июль

2023

әдістемелік жұмыстың талдауы

Әл-Фараби атындағы орта мектептің

2022-2023 оқу жылының І тоқсандағы

әдістемелік жұмыстың

талдауы

Мұғалім мамандық өндірісіндегі қарқынды өзгерістерді бақылап, зерттеп қана қоймай, жаңа технологияларды меңгеруі тиіс. Тек қана жоғары дәрежелі ішкі мотивациясы жоғары, сын тұрғыдағы тұлға ғана, өздігінен жоғары дәрежедегі маман қатарына жетуі мүмкін. Осы жетістікке жету үшін негізгі роль әдістемелік қызметке бөлінеді.

Әдістемелік жұмысты ұйымдастыруда төмендегі бағыттар басшылыққа алынды:

-Мектеп мүғалімдерінің біліктілігін көтеру жүйесі, педагогтық шеберлікті, кәсіптік деңгейін жоғарлатуға бағытталған және педагогтарды шығармашылық потенциалын көтеруді көздейді.

Мектептің әдістемелік қызметін жетілдіру – ол педагогтардың кәсіптік дамуын қолдауға арналған.

-Озық тәжірибені оқып үйрену, тарату.

- педагогикалық қызметкерлерді аттестатциясы

- оқыту және тәрбиелеу нәтижелерін мониторингілеу;

- пән онкүндіктерінің қорытындысы;

педагогикалық технологияларды қолдану әдісі арқылы оқушылардың белсенділігін арттыру;

- дарынды балалар жұмысының қорытындысы.

Мектептің әдістемелік қызметінің негізі – бұл пәнаралық әдістемелік бірлестік. Біздің мектепте 10 пән ассоциациясы жұмыс істейді: қазақ тілі және әдебиет; орыс тілі және әдебиет; шет тілі;қазақ бастауыш сыныптар; орыс бастауыш тарих, құқық; математика, физика, информатика; технология, бейнелеу өнері, музыка; химия, биология, өзін –өзі тану; дене шынықтыру Оқу жылы басында 2022-2023 оқу жылына арналған мұғалімдердің күнтізбелік жоспары талқыланып, бекітілді. Білім және ғылым министрлігінің әдістемелік нұсқау хатымен таныстырылды. Пән ассоциациясының жылдық жоспары, үйірме, таңдау курстарының жоспары талқыланып, бекітілді. Ассоциация отырысында пән онкүндігі , пәндік олимпиада материалдарын дайындау, озық іс-тәжірибе мектебімен танысу, ашық сабақтардың жоспары, дарынды оқушылармен жұмыс, педоқулары тақырыбы, аттестация, курстар жайында және басқа да атқарылатын жұмыстар туралы қаралып, есеп берілді.

Мұғалімдердің педагогикалық шеберлігін және оқушылардың өнерін, дарынын көрсететін жұмыстың түріне пән онкүндіктерін өткізу жатады. Оларды өткізу жоспары жылдың басында жасалынады. Пән онкүндігін өткізудің қорытындысы әдістемелік кеңестің отырысында қарастылырып, әр қайсысына жеке папкалар арналды. Мететтің жылдық жоспарына сәйкес,Қыркүйек айының 5-23 күндері аралығында Қазақстан Республикасы халқының тілдер мерекесіне арналған «Мемлекеттік тіл-Қазақстан халықтарын біріктіретін тіл» атты тілдер айлығы өтті. Бұл айлықта іс-шаралар қазақ, орыс және ағылшын тілдерінде ұйымдастырылды. Мақсаты: Оқушылардың тілге деген құрмет сезімін арттыру, тіл мәртебесін көтеру, көркем сөйлеуге дағдыландыру, еліне деген сүйіспеншілігін ояту. Ана тіліміздің тұғырының мықты болуына негіз қалаған бабаларымыздың өсиетін ұран ету, қазақ тілінің мәртебесін көтеру. Аталмыш айлық аясында бекітілген жоспар бойынша мектебіміздің тіл мамандары түрлі іс- шаралардың өтуіне ат салысты. «Өзге тілдің бәрін біл, өз тіліңді құрметте» демекші, біздің ана тіліміз – атадан-балаға мирас боп жеткен асыл қазына. Қазақ тілін сүю, қадірлеу – ұлтымызға деген сүйіспеншілігіміз. Өткізілген «Мемлекеттік тіл-Қазақстан халықтарын біріктіретін тіл» тақырыбындағы іс-шарамыз 22-қыркүйек күнгі Қазақстан халықтарының тілдері мерекесіне қосылатын кішкене ғана үлес.

Қазан айының 3-13 күндері аралығында мектептің жұмыс жоспарына сәйкес, білім алушыларды мемлекеттік тілді құрметтеуге тәрбиелей отырып, әлемдік тіл-ағылшын тілін меңгеруге қызығушылықтарын ояту, тілдік дағдыларын дамыту, пәндік іс-шараларға тарту және пән мұғалімдерінің өзара сабақтастығын, тәжірибе алмасуын қамтамасыз ету мақсатында «Тілмаш» ағылшын тілі пәні бірлестігінің онкүндігі ұйымдастырылып өткізілді.

Онкүндік барысында пән мұғалімдері ашық сабақтар мен қатар, сыныптан тыс шараларды ұйымдастырып өткізді.

Өткізілген ашық сабақтарға пән мұғалімдері қатысып тәжірибе алмасты және де сабақтар бойынша мұғалім мен оқушы әрекетіне, сабақта қолданылған әдіс-тәсілдерге тоқталып олардың тиімділігі, маңызы жөнінде жіберілген қателіктер жөнінде өз ой-пікірлерін ортаға салып жан-жақты талдау жасалынды. Жас мамандар Р.Нурдунова, Қ.Туилбаева, А.Макановаларға мектеп әдіскері мен тәлімгерлер тарапынан әдістемелік көмек көрсетілді.

Онкүндікті өткізудің іс-шара жоспары бойынша белгіленген іс-шаралар толық ұйымдастырылып, қорытынды кеш барысында мектеп оқушылары өз өнерлерін көрсетті.

Мектепке мұғалім болып кеше ғана оқуды аяқтаған жас маман келгенде, оған барлық әдістемелік көмек көрсетілуі тиіс. 2022 жылдың қыркүйек айларында жас мұғалімдерге тәлімгерлер тағайындалып,«Жас маман» мектебінің жетекшісі болып Таирова Д.Х . сайланды.

Қыркүйек айында жас мұғалімдермен тәлімгерлер бірлесе отырып, жұмыс жоспарын КТЖ, ҚМЖ құрып, бекітті. Қыркүйек айында №1 жас мамандар отырысында ҚМЖ құру жолдары, дәптер тексеруге қойылатын орфографиялық талаптар, күнделік кз журналын толтыру,ФБ дұрыс ұйымдастыру жолдары бойынша әдістемелік көмек көрсетілді.

Мұғалімдердің соңғы үш жылдағы санаттар бойынша өсу динамикасы

Дарынды балаларды анықтау мәселесі, бұл білім беру ұйымдарындағы балалардың танымдық және тұлғалық дамуы үшін жағдайлар жасау оларды жан-жақты дамыту болып табылады.

Қыркүйек, Қазан айларында 8-сынып оқушыларынан «Айқанат» олимпиадасына 105 оқушы І кезеңіне қатысуға өтініш берді. Мектепішілік «Алтынсақа» олимпиадасына 5-6 сыныптарда 49 оқушы қатысып, 6 оқушы ауандық кезеңге өтті. Сонымен қатар мектепішілік олимпиада ұйымдастырылып, жеңімпаздар аудандық кезеңге дайындалуда.

Шығармашылықпен жұмыс істейтін мұғалімдердің жаңашылдық жұмыстарын , озат іс-тәжірибелерін жинақтау, насихаттау және тарату; Білім сапасын арттыруға бағытталған іс әрекеттерді ұйымдастыру бойынша атқарылған жұмыстарға тоқталатын болсақ; мектебімізде Қазан айында педагог-модератор мұғалімдеріміздің «Ашық сабақтар сессиясы» ұйымдастырылып, 30 педагог-модератор мұғалімдеріміз ашық сабақтар көрсетті. Ашық сабақ барысында мұғалімдердің өзара сабаққа қатысу тиімділігі артты. Сонымен қатар сабақты талдау, бағалауға қойылатын талаптар өз нәтижесін берді. Үлгілі сабақтарды ағылшын тілі пәні мұғалімі Атекеева Ш, көркем еңбек пәні мұғалімі Скасырский В.В, Құрметбек Н көрсетті. Сабақта сараланған мақсаттарға сәйкес, деңгейленген тапсырмаларды білім алушылардың қабылетіне қарай тиімді ұйымдастырып, бағалауды нақты критерийлер арқылы жүргізді.

Сапалы білім беру дегеніміз – ғылымға негізделген жүйелі бағдарлама бойынша теориялық практикалық іске, еңбекке баулу дүниетанымын кеңейту. Баланың бойындағы бар қабілетін кемеліне келтіріп жетілдіру болып табылады.

Сапалы білім беру – оқыту мен тәрбиелеудің үздіксіз үрдісі. Қазіргі кезде білім берудегі мақсат жан-жақты білімді, өмір сүруге бейім өзіндік ой- тағамы бар адамгершілігі жоғары қабілетті жеке тұлғаны қалыптастыру. Осы орайда биылғы жылы мектебімізде білім сапасын арттыру мақсатында мектепішілік жобаларды жүзеге асырудамыз.

2022-2023 оқу жылында білім сапасын арттыру мақсатында

жүзеге асырылатын мектепішілік жобалар

№	Жоба атауы	жетекшісі
	«Мектеп театры» жобасы	Шорманова Ә.А.
	«Жас зерттеуші» жобасы	Магамадова С.Ш.
	«Мектеп газеті» жобасы	Құрметбек Н.
	«Ертегінің білімдегі құндылықтары»	Прекеева А.Г.
	«Зияткер» жобасы	Касенова Н.С.
	«Ақылды сабақ» жобасы	Ертаева А.А.
	«Жас қаламгер» жобасы	Еламанова Г.Т.

Қазан айында «Жас зерттеуші» жобасы аясында «Ғылыми жобаға тақырып таңдау, оқушының ғылыми жоба жасауға қызығушылығын арттыру» тақырыбында нұсқаулық семинар ұйымдастырылды. Бүгінгі күнге дейін 16 мұғалім «Ғылыми жоба» тақырыбын және оқушыны таңдап жұмыстарын бастады. Сонымен қатар «Зияткер» жобасы негізінде олимпиадаға резерв дайындау тақырыбында семинар өткізіліп, аудандық жасөспірімдер және пән олимпиадасына 35 оқушы таңдалып мұғалімдер дайындық жүргізуде.

«Қазақ ертегілерінің білім берудегі тәрбиелік құндылықтары" жобасының видеодыбыстау бөлімі 5-7сыныптар арасында өтті.

Мақсаты: Ертегі арқылы мектеп жасындағы балалардың ағылшын тілінде сөздік қорларын дамыту, адамгершілікке, мейірімділікке, адалдыққа және еңбексүйгіштікке тәрбиелеу.

"Жас қаламгер" жобасының "Ертегілер әлемінде" бөлімі 2,3 сыныптар арасында және «Мақала жазып үйренейік», «Өлеңді мәнерлеп оқу» тақырыптарында 7-сыныптарға дәріс сабақтар өтті.

«Ақылды сабақ» жобасы аясында «АКТ-ны тиімді пайдалану арқылы білім сапасын арттыру», «Қазақ, орыс, ағылшын тілдері сабақтарында Wordwall, Show инновациялық платформаларын пайдалану білім сапасын арттыру факторы» тақырыптарында шебер сыныптар тиімді ұйымдастырылды.

Мұғалімнің кәсіби білік дағдылары оның жеке кәсіби педагогикалық мәдениетін көрсететін өлшем. Олай болса жаңаша өмірге бет бұрып, жаңаша ой түзеген егемен еліміздің ұрпағын білім нәрімен сусындататын саналы тәрбие, сапалы білім беретін жеке тұлға, мәдениеті мен кәсіби шеберлігі шыңдалған мұғалім – ғасыр көшін бастаушы болып табылады.

«Өмір бойы білім алу» әрбір қазақстандықтың жеке кредосына айналуы тиіс»демекші, еліміздің білім беру жүйесіндегі реформалар, өзгерістер мен жаңалықтар мұғалімнің өткені мен бүгіні, келешегі мен болашақ жайлы ойланып, жаңа идеялармен жұмыс жасауға негіз болады.Осыған орай, І тоқсанда мектеп бойынша Пәндік құзеттілік бойынша курстан өткен мұғалімдер саны – 15,Деңгейлік курстан өткен мұғалімдер саны – 3,Аналитикалық талдау бойынша мұғалімдер саны – 2, Осы көрсеткіштерге қарағанда мектептің педкадрларының кәсіби деңгейлері біршама жоғарлады. Дегенмен, курстан өткен мұғалімдер өз игерген білімін өзге де мұғалімдермен бөлісу жұмыстары бірізділікке қойылмаған. Ақпараттарды қолдану, бөлісу, тәжірибе алмасу жұмыстары нақты жоспар құруды қажет етеді. Мұғалімдердің біліктілігін арттыру перспективалық жоспарға сәйкес жүргізілгенімен, курстан кейінгі тәжірибе алмасу жұмыстары жүйелікті талап етеді.

Мектепішілік бақылаудағы әрекеттерді түзету мен реттеу бойынша жалпы орта білім берудің мемлекеттік жалпыға міндетті стандартында белгіленген талаптарға оқушылардың білім білік дейгейлерінің сәйкестігін анықтау үшін тоқсан сайын әр пән мұғалімдері тарапынан және жалпы мектеп бойынша оқушылардың білім деңгейінің мониторингі жасалынып отырды. Мониторинг негізінде сыныптардың басым көпшілігінде оқушылардың білім, білік, дағды сапаларының көрсеткіштері стандарт талаптарына сай екендігі анықталды, бірақ төмендегі көрсетілген сыныптардағы сапа көрсеткіштерінің төмендігін атап өтпеуге болмайды: 3 «Е» 4«Ж»,5 «Е», 8 «Е», 9 «Ә», 9«Г», 9«Д»

Сондай-ақ аталған сыныптарда негізгі пәндердің оқытылу сапасын бақылау педагогикалық кеңестің шешімі негізінде жүргізілді. Бұл сыныптарда ІІ тоқсанда жұмысты белсендіру қажеттілігі және іс- әрекетті зерттеу және сабақты зерттеуді ұйымдастыруды талап етеді. Сонымен қатар мектепішілік бақылау жоспарына сәйкес, 5- сыныптардағы негізгі пәндердің оқытылуы, 5-8 сыныптардағы қазақ тілі мен әдебиеті пәндерінің оқытылуы, 2-4 сыныптардағы оқу техникасы, 5-6 сыныптарда оқушы дәптерлерінің жүргізілуі, БЖБ, ТЖБ-ның талапқа сай жүргізілуі, күнделік kz журналының талапқа сай жүргізілуі тексеріліп, анықтамалар жазылып, кемшіліктерді жою бойынша жұмыстар жүргізілуде.

Әл-Фараби атындағы орта мектептің

2022-2023 оқу жылының ІІ тоқсандағы

әдістемелік жұмыстың

талдауы

Ұстаз саяси сауатты, жан-жақты білімді, өз бойындағы сол білімді оқушы жүрегіне еркін ұялата аларлықтай әдістемелік шеберлігі бар болуы шарт. Ал ұстаздардың осы талап тұрғысынан табылуы кәсіби даярлығын, шеберлігін шыңдайтын мектептегі әдістемелік жұмысының ұйымдастырылуына байланысты.

Мектептегі әдістемелік жұмыстың, ең негізгі міндеті - мұғалімнің кәсіби құзыреттілігін жетілдіру, әр мұғалімнің кәсіби шеберлігі мен мүмкіндігін айқындау, сабақтарына қатысып, жетістіктері мен кемшіліктерін көрсету, өзара сабақтарына қатысуын ұйымдастыру, сабақ жоспарларын жасауға және оны өз бетінше талдауға басшылық ету, жеке әңгімелер өткізу жұмыстарын ұйымдастыру. Әдістемелік жұмыс педагогикалық іс-әрекеттің инновациялық бағыттылығын қалыптастыру үшін ұйымдастыру негізі ретінде қызмет етеді. Саралау негізінде әдістемелік жұмыстарды ұйымдастыру бірқатар объективтік және субъективтік алғышарттармен байланысты.

Онкүндік барысында пән мұғалімдері ашық сабақтар мен қатар, сыныптан тыс шараларды ұйымдастырып өткізді. Онкүндік барысында мұғалімдер ұйымдастырған барлық іс-шаралар яғни интеллектуалды сайыстар мен сыныптан тыс іс- шаралар, пікір сайыстары мен ашық сабақтар заман талабына сай ақпараттық технологияларды пайдалану арқылы өткізілді.

6-сыныптар арасында серіктес мектептер арасында «Математикалық ринг» атты интеллекуалды ойын ұйымдастырылды.

«Информатика» пәні менің қиялымда тақырыбында көрме, «Ғылымға құштар жас өркен» интеллектуалды ойыны, «Қызықты математика» қабырға газеттері және серіктес мектептермен «Интербелсенді әдістерді сабақта тиімді қолдану » тақырыбында коучинг ұйымдастырылып, жеңімпаздар марапатталды.

Сабақ жоспарлары мен слайдтарға QR коды жасалды

«Ұшқын» тарих пәні онкүндігі аясында ІІБ жасөспірімдер инспекторлары полиция капитаны Темиржанова А.Х мен Тургумбаева А.М-мен 9- сынып оқушыларының арасында «Қылмыс пен жаза» тақырыбында дөңгелек үстел өткізілді.

8-9 сыныптар арасында «Гражданская война 1918-1920 гг.» тақырыбында дебат, Шежіре» қабырға газеті мен тәуелсіздігіміздің 31 жылдығына орай «Тәуелсізік тұғырым» атты сурет көрмесі, «Тарих қойнауында» атты көрмелер ұйымдастырылып, оқушылар көрмеге археологиялық заттар, сәулет өнері, кесенелер, ортағасырлық қалалар, батырлардың мүсіні, қару -жарақтар т.б тарихи заттарды өте әдемі, қызығушылықпен жасап, өз үлестерін қосты.

«Өз тарихыңды білесің бе?» тақырыбы аясында үлкен қоңырауда оқушылармен сұхбат жүргізіліп, патриоттық ән айтылды.

10- сынып оқушыларымен Алматы қаласындағы Орталық музей мен Д.А. Қонаев атындағы мұражайға саяхат ұйымдастырылды.

«Тәуелсіздік тұғырым» атты ән байқауы өткізіліп, оқушылар Қазақстан, Тәуелсіздік, Отан, туған жер туралы әндерді айтып өз өнерлерін ортаға салды.

Онкүндік жоспары бойынша белгіленген іс-шаралар толық ұйымдастырылып, қорытынды кеш барысында мектеп оқушылары өз өнерлерін көрсетіп, ӘБ жетекшілері онкүндік барысында атқарылған жұмыстардың моделімен таныстырды.

Жас педагогқа арналған мектептің құрылу мақсаты – жас маманның кәсіби құзыреттілігін тиімді дамыту, жоғары кәсіби идеалдардың қалыптастыру, әдістемелік дағдыларды қалыптастыру және үнемі өзін-өзі дамыту және өзін-өзі жетілдіру қажеттілігін арттыру. Желтоқсан айында «Жас ұстаздардың өздігінен білім көтеруі -біліктілікті арттырудың кепілі» тақырыбында мектепішілік семинар өтті.

Қараша айында 8-ынып оқушылары «Айқанат» олимпиадасының аудандық кезеңіне қатысып, 31 оқушы облыстық кезеңге өтті.

Қазақстан Республикасының Тәуелсіздігінің 31 жылдығы аясында, «Керемет бала» республикалық ғылыми әдістемелік, ақпараттық танымдық, педагогикалық, балалар журналының ұйымдастыруымен өткізілген «Тәуелсіздік тұғырым» атты сурет және эссе байқауына оқушыларымыз белсене қатысып және үздік деп танылып барлығы І,ІІ, ІІІ дәрежелі дипломдармен марапатталды.

«Ұлағат» Республикалық балалар мен жасөспірімдер шығармашылық байқауында «Менің жазу үлгім» номинациясы бойынша оқушысыларымыз жүлделі І,ІІ,ІІІ орындарға ие болды.

Сонымен қатар қазақ тілі пәні бойынша мұғалімдерге арналған «КИО» Републикалық қашықтық олимпиада нәтижесінен аудан бойынша ІІІ орынды Қазақ тілі мен әдебиеті пәні мұғалімі Рақымбаева Н.С.иеленді.

Қазақ тілі пәні бойынша оқушыларға арналған «КИО» Републикалық қашықтық олимпиада нәтижесінен 8 сынып оқушысы Аделя Толтырған облыстан ІІ орын, аудан бойынша І орын, Республикадан ІІ дәрежелі Дипломмен марапатталды. Осы негізде 6 «г» сынып оқушысы Ыргебай Раушан ауданнан І орын және Республикалық ІІ дәрежелі Дипломмен марапатталды.

Қазақтың Ұлы ақыны Абай Құнанбаев және Ақиық ақын Мұқағали Мақатаевтың шығармашылығын жастар арасында дәріптеу мақсатында өткен Республикалық көркемсөз оқуларында,ақындардың өлеңдерін жатқа оқыған, 6 сынып оқушылары Мусаұлы Абдіғани, Досалиева Аяна, Еренсиз Амели, Қазбек Каусар 1 дәрежелі дипломдармен марапатталды.

Шығармашылықпен жұмыс істейтін мұғалімдердің жаңашылдық жұмыстарын , озат іс-тәжірибелерін жинақтау, насихаттау және тарату; Білім сапасын арттыруға бағытталған іс әрекеттерді ұйымдастыру бойынша атқарылған жұмыстарға тоқталатын болсақ; мектебімізде Қараша, Желтоқсан айларында педагог-сарапшы, педагог-модератор мұғалімдеріміздің «Ашық сабақтар сессиясы» ұйымдастырылып, мұғалімдеріміз ашық сабақтар көрсетті. Ашық сабақ барысында мұғалімдердің өзара сабаққа қатысу тиімділігі артты. Сонымен қатар сабақты талдау, бағалауға қойылатын талаптар өз нәтижесін берді. Үлгілі сабақтарды Таирова Д.Х, Магамадова С.Ш, Булекова Ж.М, Еламанова Г.Т, Шауеева А.А, Прекеева А.Г, Шелепина А.В, Мырзабаева А.Е, Салимбаева Б.Т, Колесникова В.И, Шойбекова Р.Ж,Турганбаева Б.Д-лар көрсетті. Сабақта сараланған мақсаттарға сәйкес, деңгейленген тапсырмаларды білім алушылардың қабылетіне қарай тиімді ұйымдастырып, бағалауды нақты критерийлер арқылы жүргізді. Интербелсенді әдіс-тәсілдер тиімді ұйымдастырылған.

Сонымен қатар «Зерттеу сабағы- сәттілік өлшем шарты» тақырыбында мектепішілік семинар, «Ерекше білімді қажет ететін оқушыларды оқытудың ерекшеліктері» тақырыбында аймақтық семинар, «Мектептегі шығармашылықпен жұмыс жасайтын мұғалімдердің үлес салмағын арттыру мақсатында «Мектеп жобаларының жүзеге асырылуы» жас мектеп директорларына арналған аудандық семинарлар өткіздік.

2022-2023 оқу жылында білім сапасын арттыру мақсатында

жүзеге асырылатын мектепішілік жобалар

№	Жоба атауы	жетекшісі
	«Мектеп театры» жобасы	Шорманова Ә.А.
	«Жас зерттеуші» жобасы	Магамадова С.Ш.
	«Мектеп газеті» жобасы	Құрметбек Н.
	«Ертегінің білімдегі құндылықтары»	Прекеева А.Г.
	«Зияткер» жобасы	Касенова Н.С.
	«Ақылды сабақ» жобасы	Ертаева А.А.
	«Жас қаламгер» жобасы	Еламанова Г.Т.

«Жас зерттеуші» жобасы аясында бүгінгі күнге дейін 16 мұғалім «Ғылыми жоба» тақырыбын және оқушыны таңдап жұмыстарын жүргізуде. Сонымен қатар «Зияткер» жобасы негізінде аудандық жасөспірімдер және пән олимпиадасына 35 оқушы таңдалып мұғалімдер дайындық жүргізуде.

«Қазақ ертегілерінің білім берудегі тәрбиелік құндылықтары" жобасының видеодыбыстау бөлімі 5-7сыныптар арасында өтті. Сонымен қатар «Алдар көсенің сиқырлы тоны», «Мақтақыз бен мысық» ертегілеріне ағылшын тілінде көрініс қойылды.

"Жас қаламгер" жобасының «Мақала жазып үйренейік», «Өлеңді мәнерлеп оқу» тақырыптарында 5-6 -сыныптарға сабақтар өтті. Сонымен қатар «Мектеп хабаршысы» журналына қазақ тілі мен әдебиеті пәні мұғалімі Кожабаева М.С. «Абай Құнанбайұлы – қазақ халқының мақтанышы» тақырыбында мақаласы жарияланса, Ұлт ұстазы Ахмет Байтұрсынұлының өмірге келгеніне 150 жыл толуына орай және ұлы суреткер , қазақ әдебиетінің классигі Мұхтар Әуезовтің туғанына 125 жыл толуына орай «Еңбекшіқазақ» газетінің редакциясы ұйымдастырған «Алашқа айбын болған арыстар» атты әдеби байқауға өз шығармасын жолдап 6Ә сынып оқушысы Нұрахмет Балауса 3 орынды иеленді.

«Мектеп газеті» жобасы бойынша І жартыжылдықта «Мектеп хабаршысы» журналы жарық көрді. «Мектеп хабаршысы»журналында мектепте ұйымдастырылып жатқан іс-шаралар, оқу жобаларының жұмыс барысы, оқушылардың жетістіктері, онкүндіктердің ұйымдастырылуы жайлы мұғалімдер мен оқушыларға танымдық журнал ретінде назарға ұсынылды.

Сондай-ақ аталған сыныптарда негізгі пәндердің оқытылу сапасын бақылау педагогикалық кеңестің шешімі негізінде жүргізілді. Бұл сыныптарда ІІ тоқсанда жұмысты белсендіру қажеттілігі және іс- әрекетті зерттеу және сабақты зерттеуді ұйымдастыруды талап етеді. Сонымен қатар мектепішілік бақылау жоспарына сәйкес, 5- сыныптардағы негізгі пәндердің оқытылуы, 2-11 сыныптардағы ағылшын тілі пәндерінің оқытылуы, 2-11 сыныптардан аралық бақылау, 7-8 сыныптарда оқушы дәптерлерінің жүргізілуі, БЖБ, ТЖБ-ның талапқа сай жүргізілуі, күнделік kz журналының талапқа сай жүргізілуі тексеріліп, анықтамалар жазылып, кемшіліктерді жою бойынша жұмыстар жүргізілуде

Әл-Фараби атындағы орта мектептің

2022-2023 оқу жылының ІІІ тоқсандағы

әдістемелік жұмыстың

талдауы

Оқу-әдістемелік және ғылыми-әдістемелік жұмысты ұйымдастыру және жүзеге асыру қағидаларын бекіту туралы
Қазақстан Республикасы Білім және ғылым министрінің 2007 жылғы 29 қарашадағы № 583 бұйрығы негізінде;

Әдістемелік жұмысты ұйымдастыруда төмендегі бағыттар басшылыққа алынды:

Мұғалімдердің кәсіби біліктілігін арттыру, курстық даярлауды жоспарлау, өз бетінше білім алуын жетілдіру;
Педагог кадрлардың аттестатциядан өтуін ұйымдастыру және олардың қызметіне баға беру;
Жас мұғалімдермен және жаңа келген мұғалімдердің білімін және біліктілігін дамыту;
Шығармашылықпен жұмыс істейтін мұғалімдердің жаңашылдық жұмыстарын , озат іс-тәжірибелерін жинақтау, насихаттау және тарату;
Білім сапасын арттыруға бағытталған іс әрекеттерді ұйымдастыру;
Білім беру саласындағы нормативтік құқықтық құжаттармен жұмыс;
Ғылыми орталықтармен жоғары оқу орындарымен байланыс;
Дарынды және мотивациясы төмен оқушылармен жұмысты ұйымдастыру;

Аттестация – педагогикалық біліктіліктің бір бөлігі. Ол мұғалімдердің шеберлігін шыңдап, шығармашылық белсенділігін арттырып, педагогикалық еңбектің жиынтығын көрсетеді. Қазақстан Республикасының Білім және ғылым министрінің 2022 жылғы 30 желтоқсандағы №533 бұйрығына қосымша Қазақстан Республикасының Білім және ғылым министрінің 2016 жылғы 27 қаңтардағы № 83 бұйрығымен бекітілген ережеге сәйкес Ақпан-Наурыз айларында аттестациядан өтуге өтініш білдірген мұғалім 30 мұғалімнің құжттары облыстық және аудандық білім бөліміне өткізілді. Сәуір айында аттестациялық комиссияның шешіміне сәйкес, қызметтік нәтижелерін кешенді талдамалық жинақтаудан өткен мұғалімдер педагогтің білімін бағалау(ПББ) яғни тест тапсыруға барады. Мектептегі 124 мұғалімнің 15- педагог –зерттеуші, 28 педагог-сарапшы, 35 педагог-модератор, 2-жоғарғы санат, 4 мұғалім І санат, 4 мұғалім ІІ санат, 36 санаты жоқ, пайыздық шаққанда педагог-зерттеуші 12%, педагог-сарапшы 23%, педагог-модератор 28%, жоғарғы санат 1, %, І санат %, ІІ санат 1%, санаты жоқ мұғалімдер 30% құрайды.

«Қазақстан болашағы - білімді оқушы,заманауи ұстаз» тақырыбындағы

«Зерде» химия, биология, география пәндер бірлестігінің онкүндігінде

« Туған өлкем қандай көркем» -Фотосуреттер көрмесі

«Экология және біз» «Мир свойми глазами»-пәндер бойынша қабырға газеті байқауы

-«Экология және біз» тақырыбында - коучинг

-КВН-в царстве Берендея- КВН, Химия вокруг нас-«Дарын» интеллектуалдық ойыны.

- Жас географтар сайысы,«Кім тапқыр» викторина сөзжұмбақтар шешу.

- Полентологиялық мұражайға танымдық саяхат сабақтар ұйымдастырылып, онкүндіктің жабылуында жеңімпаздар марапатталды.

«Өнер-ұлттың асыл қазынасы» көркем еңбек, музыка пәндерінің онкүндігінің ашылуы 20.02.2023 ж. басталып, «Өнер – сананы өзгертеді» оқушылардың қолөнер бұйымдары және суреттер көрмесі, Мектеп дауысы» мұғалімдер және оқушылар арасында эстрадалық әндер сайысы, «Жігіт сұлтаны» 9-сынып ер балалары арасында сайыс, «Алғыс айту күні балалар көзімен тақырыбында сурет байқауы, Дәркембай Шоқпарұлы атындағы мұражай қызметкерлерімен көрмелер тиімді ұйымдастырылды.

03.03.2023 ж күні «Асыл мұра» қазақ тілі мен әдебиеті пән бірлестігінің онкүндігі оқушылар мен ұстаздардың шағын концерттік бағдарламасы мен онкүндікте өткізілетін іс-шарамен таныстырумен басталды.

Онкүндіктің мақсаты: қазақ тілі мен әдебиетінің мол мұрасымен кеңінен таныстыру, тілдің мемлекеттік мәртебесін қалыптастыру, қазақ тілінің қолданылу аясын кеңейтуге үлес қосу.

03 наурыз күні қазақ тілі мен әдебиеті онкүндігі аясында мектебімізде "Тарихи тұлғалар — ұлт мақтанышы" тақырыбына дәлізде стендтер қойылды. Онда Ыбырай Алтынсарин, Ахмет Байтұрсынов, Абай Құнанбайұлының өмірбаяны, шығармашылығы қанатты сөздері мен сұрақ жауаптар ұйымдастырылды.

М.Мақатаевтың шығармашылығына арналған « Әр өлеңі бір әлем » атты мектепішілік мұғалімдер арасында поэзия кеші ұйымдастырылды.

« Абай- дана, Абай -дара қазақта »- атты әдеби танымдық кешке 10- ә сынып оқушылары Серік Баян , Асан Жасмин, Ахметбаева Балнұр, Тилешова Інжу, Қажғали Камила Абай Құнанбайұлының өлеңдерін , «Қара сөз» деп аталатын прозасының «Бірінші сөзін» жатқа оқып, , «Он жетінші сөзіне» сахналық көрініс көрсетті.6-сыныптар арасында Серіктес мектептермен «1001 мақал, 101 жұмбақ» жарысы ұйымдастырылды.. Мақсаты : оқушыларға әр түрлі тақырыптарда мақал-мәтелдер таңдап, мақалдардың мағыналарын айтып түсіндіру, салт-дәстүрлерді дәріптеу арқылы сөз өнерінің құдіретін таныту; қасиетті асыл мұрамызды қадір тұтуға тәрбиелеу. Қатысқан оқушылардың барлығы белсенділік танытты. 1 орынды Қойшыбек мектебі иеленді. Онкүндік барысында қазақ тілі мен әдебиеті пәні мұғалімдері Шынтаева Р.Ж, Атыханова Ж.Ж, Омурзакова Г.Б -лар «Тапсырмаларға смарт мақсат қою» тақырыбында коучинг ұйымдастырды. «Асыл мұра» онкүндігінің жабылуында қазақ халқының салт-дәстүрлері «Қыз ұзату мен тұсау кесер» көрінісі көрсетіліп, ұлттық ойыны асық ату мен арқан тартыс ойындары ойнатылды. «Зерде» химия, биология,география пәндері онкүндігі мектеп фойесін безендірумен ерекшеленсе, орыс бастауыш сынып онкүндігі ашық сабақтар мен іс-шаралардың өткізілуі бойынша жазылған Мусабекова А.М-ның мақаласы Еңбекшіқазақ газетінде жарияланды.Ал,көрем еңбек, музыка пәндер онкүндігінде Дәркембай Шоқпарұлы атындағы мұражай қызметкерлерімен көрмелер тиімді ұйымдастырылды.

Қазақ тілі мен әдебиеті пәндер онкүндігі"Тарихи тұлғалар — ұлт мақтанышы" тақырыбындағы безердіру мен қатар ұлттық құндылықты дәріптейтін іс-шараларымен ерекшеленді.

Онкүндік барысында пән мұғалімдері ашық сабақтар мен қатар, сыныптан тыс шараларды ұйымдастырып өткізді. Онкүндіктерде мұғалімдер ұйымдастырған барлық іс-шаралар яғни интеллектуалды сайыстар мен сыныптан тыс іс- шаралар, пікір сайыстары мен ашық сабақтар заман талабына сай ақпараттық технологияларды пайдалану арқылы өткізілді.

Наурыз айында мектебімізден 29 оқушы «Айқанат» олимпиадасының облыстық кезеңіне қатысты.

Орыс тілі мен әдебиеті пәндер бірлестігі бойынша: Аудандық Пушкин оқуларының мәнерлеп оқу бағыты бойынша 9д сынып оқушысы Ережепова Аяна ІІІ орын иеленді.Жетекшісі: Садыкова И.А. Республикалық жасөспірімдер арасындағы олимпиаданың аудандық кезеңінен 7г сынып оқушысы Костромин Илья ІІІ орын иеленді.Жетекшісі: Ертаева А.А.

Ағылшын тілі пәні бірлестігі бойынша: Аудандық пән олимпиадасы 8Ә сынып оқушысы Өмірбек Жанель ІІ-орынды иеленді /жетекшісі Аманжолова.Г.Т/ және 7Д сынып оқушысы Исмагилова Айлин І-орынды иеленді /жетекшісі Найзагулова М.Ж./.

Қазақ тілі мен әдебиеті пәндер бірлестігі бойынша: «Сөздің бәрі құдіретті...» Қадір Мырза Әлінің өлеңдерін мәнерлеп оқудан Аудандық байқауға қатысып Исадин Аружан ІІІ дәрежелі дипломмен марапатталды. Жетекшісі:Еламанова Г.Т

Нұрахмет Балауса Кемел Тоқаевтың туғанына 100 жыл толуына орай «Ұлттың ұлы тұлғасы» тақырыбында «Өр тұлғалы ер еді» атты арнау өлеңі бойынша Облыстық дарынды балалар мен талантты балаларды қолдау мен анықтау орталығынан алғыс

хатпен марапатталды. Жетекшісі: Атыханова Ж.Ж.

Аудандық Әбіш Кекілбаев оқуларына «Ғылыми жоба» бағыты бойынша 8 а сынып оқушысы Хавдалғазы Таңшолпан қатысып ІІІ орынды иеленді. Жетекшісі Омурзакова Г.Б.

Қашықтықтан ұйымдастырылған «КИО» олимпиадасына І дәрежелі диплом, Ыргебай Раушан. Жетекшісі Ракымбаева Н.С. «Дарын онлайн» білім беру платформасы ұйымдастрған республикалық пәндік олимпиададан ІІІ орын қазақ тілі мен әдебиеті пәні мұғалімі Ракымбаева Н.С.

ІІ дәрежелі диплом жүлдегері. «NURBOOK» баспа бірлестігі ұйымдастырған ІІ Республикалық «Дариға жүрек» атты конкурсқа 2 «д» сынып оқушысы Ширбан Лале , 2 «ә» Қабылтай Абдрахман қатысып, ІІІ дәрежелі дипломмен марапатталды. Жетекшісі: Ракымбаева Н.С. «Жарқын болашақ» атты Республикалық шығармашылық байқауда 1-9 сынып арасында «Ата-анаға құрмет-перзенттік парыз» номинациясы бойынша шығармашылық дарынымен көзге түскен оқушылар 1,2 дәрежелі мақтау қағаздарымен марапатталды. 1 орын алған Ауғамбай Данара мен Оразай Дінмұхаммет 2 орын алған оқушылар Исмайл Арайлым, Мерген Айша, Халмитов Расул, Қазбек Каусар, Жылқыбай Аяулым, Нұрымбек Санжар Жетекшісі: Шауеева А.А.7 «А» сынып оқушысы Ерланқызы Ғазизаны Республикалық жасөспірімдер олимпиадасының аудандық кезеңінен ІІ орын иеленді. Жетекшісі:Шаджабаева Э.К. Қазақстан Республикасының Тәуелсіздігінің 31 жылдығы аяында, « KEREMET BALA» республикалық ғылыми-әдістемелік, ақпараттық – танымдық, педагогикалық, балалар журналының ұйымдастыруымен өткізілген «Таңғажайып жаңа жыл » атты байқауында 6е сынып оқушылары Казтаева Айсулу, Пашаева Райфа І дәрежелі дипломға иеленді, 7 «Г» сынып оқушысы Исмагилова Айлин ІІ орын алды. Жетекшісі: Тургынбаева К.М.«Мұқағали Мақатаев-қазақтың ақиық ақыны» тақырыбында өткізілген Республикалық әндер байқауына қатысқан оқушылар жүлделі 1-2 дәрежелі дипломдармен марапатталды. Жетекшісі: Бақытжан Самал

II Республикалық «Дариға жүрек…» атты мектеп оқушыларға мәнерлеп оқу сайысында 1- орын иеленген Айдархан Шәрбәт, Хұрметбекқызы Айым, Сағатбекқызы Еркежан, Кәдебай Бағжан, Оңалбай Айзере. Білімді шәкірттер тәрбиелегені үшін Бақытжан Самал мақтау қағаздарымен мараппаталды.

Химия, биология, География пәндер бірлестігі бойынша:

Аудандық пән олимпиадада 9д сынып оқушысы Тастанбек Алишер 3-орын иеленді. «Ақбота» интеллектуалды ойын бәйгесінде 2-орын Баркалов Никита 9д, Шелепин Богдан 9д, Тастанбек Алишер 9д. Жетекшісі: Касенова Н.С.

«Ақбота» интеллектуалды ойын бәйгесінде Ибраймова Тахмина 2-дәрежелі диплом 10д сынып, Исмагилова Фатима 10д сынып-2орын, Бакишева Аяулым 9е сынып-2орын, Акимов Акваржан 7гсынып 2-орын. Османова Малика 1-дәрежелі диплом 10д сынып.Жетекшісі: Шеримова А.А. КИО.КZ Республикалық олимпиадасында «Үздік ұстаз» номинациясы жүлдегері Шеримова А.А

«Ақбота» интеллектуалды ойын бәйгесінде 5 «А» сынып оқушысылары Маукен Айша, Мерген Айша, 9 «А» сынып оқушысы Қажғали Сабина І дәрежелі диплом, Республикалық жасөспірімдер олимпиадасының аудандық кезеңінде І орын алған 8 «А» сынып Бейбіт Амина. Жетекшісі: Атекеева Б.Қ

«Ақбота» интеллектуалды ойын бәйгесінде 2-дәрежелі диплом Қажғали Сабина 9а сынып. 1-дәрежелі диплом Хавдалғазы Таңшолпан 8а сынып. Жетекшісі: Балагазова Г.Т.

Көркем еңбек, музыка пәндер бірлестігі бойынша:

Республикалық «Дарын» өнер орталығының ұйымдастыруымен І Республикалық «Дарын» атты балалар өнер байқауына өз оқушыларын қатыстырды. 9 «А» сынып оқушысы Қажғали Сабина Кусманқызы көркем сурет жанры бойынша Бас жүлдеге ие болды, жетекшісі Құрметбек Н. 8 «А» сынып оқушысы Берікқызы Назерке қолөнер жанры бойынша қатысып ІІ-орынға ие болды, жетекшісі Құрметбек Н. 8 «Д» сынып оқушысы Струкова Ксения көркем сурет жанры бойынша Бас жүлдеге ие болды, жетекшісі: Жумагазина Л.М. Тарих пән бірлестігі бойынша: 9 «Б»сынып оқушылары Қызырханова Жанайым,Бектас Меруерт Қазақстан тарихы пәнінен ұйымдастырылған IBilim.kz онлайн олимпиадаға қатысып, 1-дәрежелі дипломмен марапатталды.Жетекшісі: Турсынбекқызы Ә.

11 «Ә» сынып оқушысы Нурсатова Ақнұр Жалпы білім беретін пәндер бойынша ІІ республикалық олимпиаданың аудандық кезеңінде ІІІ орынды иеленді. Жетекшісі :Аманжолова Света Изгутовна

Аудандық «Менің кіші отанымның тарихы» олимпиадасында 9д сынып оқушысы Ережепова Аяна, 10Г сынып оқушыс Габуева Карина ІІІ орынды иеленді. Жетекшісі: Иманова Г.А.

Қазақ бастауыш сынып бірлестігі бойынша: «Алтын сақа» олимпиадасының аудандық кезеңінен Аманбол Нұрхан 2-жүлделі орынды иеленді. Жетекшісі: Усербаева С.У.

Ақбота” республикалық интеллектуалдық марафонына төмендегі оқушылар қатысып жүлделі орындарға ие болды:

2 А сынып оқушысы- Қалмахан Жанару, III-дәрежелі диплом Жетекшісі Бақатай А

3"Ә" сынып оқушылары

Елеусіз Зере, Сабыр Исатай,Мереке Досхан,Алимхан Омар ,Тұрысбек Айша жүлделі 1-орынды иеленсе, Алмасқызы Сезім, Қанатбай Закиржан 3-ші орын алды. Жетекшісі: Әжетбай А.

3"А" сынып оқушылары Бақтығали Фариза,Мақсатұлы Данияр,Муратбек Каусар, II-дәрежелі диплом.Жетекшісі: Салимбаева Б.Т.

3"Б" сынып оқушылары ІІ дәрежелі диплом, Кабылбекова Айару ІІІ дәрежелі Бердімұрат Аяулым, Сатыбалды Хамза, Маткеримова Лашын, Мұралбек Өрден.амиракынова М.К. Сонымен қатар 3А сынып оқушылары Республикалық Абай оқулары, Мұқағали оқуларына қатысып жүлделі орындар иеленді. Жетекшісі Салимбаева Б.Т.

Орыс бастауыш сынып бірлестігі бойынша: Республикалық «Ақберен» журналы ұйымдастырған Абай оқуларынан жүлделі І,ІІ, ІІІ орын иеленеген.

Республикалық Ақбота интеллектуалдық ойын бәйгесіне қатысып жүлделі орындар иеленген.

Математика, физика, информатика пәндер бірлестігі бойынша: Информатика пәнінен аудандық олимпиададан 2-ші орын иеленген 10Д сынып Данилевский Максим. Пән мұғалімі Шойбекова Р.Ж.«Дарын» республикалық ғылыми-практикалық орталығы ұсынған «Ақбота» зияткерлік олимпиадасына төмендегі оқушылар қатысып дипломдармен марапатталды: 5ә сыныбынан: Хавдалғазықызы Айкерім, Малдыбай Адия, Тагаева Момосұлу, Жангирова Лунара, Пазил Назым, Дулатқызы Інжу, Садір Ағзам. 5б сыныбынан: Ниязалы Құндыз, Оңалбайқызы Айзере, Бақтжан Аяулым, Айдархан Шарбат, Толеухан Ислам.6а сыныбынан: Дулатқызы Інжу. Пән мұғаламі Қабиден А. 9 a сынып оқушысы Қажғали Сабина І дәрежелі дипломмен марапатталды. Пән мұғаламі Тажибаева Г.Т. 10 сынып: Бахытжан А., Исмагилова Ф.,Хадюк А., Қажигали С., Ибрагимова Т.9 сынып:Шелкпин Б., Баркалов Н., Тастанбек Ф. Пән мұғалімі: Усербаева М.Б. 9 сынып: Бакишева А.8 сынып: Ерисковская К., Дюйсенғали А.Пән мұғалімі: Ерисковская Л.М. 7 сынып: Акимов А. Пән мұғалімі: Ерасилова А.К.

2022-2023 оқу жылында білім сапасын арттыру мақсатында

жүзеге асырылатын мектепішілік жобалар

№	Жоба атауы	жетекшісі
	«Мектеп театры» жобасы	Шорманова Ә.А.
	«Жас зерттеуші» жобасы	Магамадова С.Ш.
	«Мектеп газеті» жобасы	Құрметбек Н.
	«Ертегінің білімдегі құндылықтары»	Прекеева А.Г.
	«Зияткер» жобасы	Касенова Н.С.
	«Ақылды сабақ» жобасы	Ертаева А.А.
	«Жас қаламгер» жобасы	Еламанова Г.Т.

«Жас зерттеуші» жобасы аясында бүгінгі күнге дейін 16 мұғалім «Ғылыми жоба» тақырыбын және оқушыны таңдап жұмыстарын жүргізуде. Сонымен қатар «Зияткер» жобасы негізінде аудандық жасөспірімдер және пән олимпиадасына 9 оқушы жүлделі І,ІІ,ІІІ орынды иеленді.

«Театр әрекеті» жобасы негізінде «Мұқағали-мәңгілік ғұмыр »атты ақиық ақын Мұқағали Мақатаевты еске алу әдеби кешін ұйымдастырып өткіздік.

Кеште Мұқағали Мақатаевтың «Қош ,махаббат !»атты шығармасын сахынлау арқылы ,оқушыларды сахна өнерінің қыр-сырын меңгерту ,сахна мәдениетін сақтауға дағдыландыру,адамгершілік қасиеттерін дамыту.

Сонымен қатар белгілі сатирик -жазушы Шона Смаханұлының «Біз осы үйдің келіні боламыз »атты сықақ әңгімесі желісі бойынша сахналық қойылым көрсетілді.Бұл шығармасында автор өмірдегі жайсыз көріністерді ,тұрмыстағы оғаштықтарды адам мінездерінің кемшіліктерін ащы мысқылмен түйреп өтіп,көрермендеріне ой салады.Сатирик Оспанхан Әубәкіровтің «Еркектің арманы» атты сатиралық әңгімесіндегі басты кейіпкерлердің әйелі мен ерінің бейнесін дене шынықтыру пәнінің жас маманы Арман мен қазақ тілі пәнінің мұғалімі Жамгырбаева Айгерім керемет ойнап шықты. Отбасылық өмірде болатын ері мен әйелі арасындағы ара қатынасты шынайы көрсете білді.Ынжық ерінің үй шаруасындағы әйел атқаратын шаруаларды атқаруы күнделікті іс әрекетке айналған қазан-ошақтан аса алмай қалған ер азаматтың бейнесін дәл жеткізе білді.

Алтынсариннің 182 жылдығына орай , «Ыбырай Алтынсарин қоңырауы»атты сайыс ұйымдастырылып,жазушының шағын әңгімелері бойынша сахналық қойылым көрсетілді. Жүргізушісі 9 «Д»сынып оқушысы Барақбай Айым болды.

«Әке мен бала», «Бақша ағаштары»әңгімелері бойынша сахналық қойылым көрсетілді.Сондай-ақ ,оқушылар Ы.Алтынсарин өмірі мен шығармашылығы бойынша берілген сұрақтарға жауап беріп өз білімдерін де көрсетті.Сонымен қатар, даналық сөздерін жатқа айтып ,мағынасын түсіндіріп берді. «Таза бұлақ», «Әдеп»әңгімелерінің идеясын ашып түсіндірді.Тәрбиелік тағылымы көп іс-шараға 9 –сынып,8-сынып оқушылары қатыстырылды. «Тіл» әдістемелік-оқыту орталығынан қонақтар шақырылды , сондай –ақ бастауыш сынып мұғалімдері мен қазақ тілі мен әдебиеті пәнінің мұғалімдері қатысты.

Қазақтың бас ақыны- Абай Құнанбайұлының шығармашылығына арналған «Абай-дана,Абай-дара»атты танымдық кеш ұйымдастырып өткіздік..Кешке ауылымыздың ақсақалдар алқасының төрағасы Жұмақанов Науқан атамыз шақырылып ,оқушыларға ақынның шыққан тегі жайлы шежіресін таратып айтып берді. «Қарты бардың –қазынасы бар »деген аталы сөздің куәсі болдық.Сонымен бірге ,9 а,ә сынып ұлдарының қатысуымен «Үш-ақ нәрсе адамның қасиеті » толық адам жайлы ой-толғаулары бойынша сахналық қойылым көрсетілді.

Сондай-ақ аталған сыныптарда негізгі пәндердің оқытылу сапасын бақылау педагогикалық кеңестің шешімі негізінде жүргізілді. Бұл сыныптарда ІІІ тоқсанда жұмысты белсендіру қажеттілігі және іс- әрекетті зерттеу және сабақты зерттеуді ұйымдастыруды талап етеді. Сонымен қатар мектепішілік бақылау жоспарына сәйкес, 5- сыныптардағы негізгі пәндердің оқытылуы, 2-11 сыныптардағы орыс тілі мен әдебиеті, қазақ тілі пәндерінің оқытылуы, 9-11 сыныптарда оқушы дәптерлерінің жүргізілуі, БЖБ, ТЖБ-ның талапқа сай жүргізілуі, күнделік kz журналының талапқа сай жүргізілуі тексеріліп, анықтамалар жазылып, кемшіліктерді жою бойынша жұмыстар жүргізілуде.

Әл-Фараби атындағы орта мектептің

2022-2023 оқу жылының ІV тоқсандағы

әдістемелік жұмыстың

талдауы

Әдістемелік жұмыс – бұл ғылым мен педагогикалық озат тәжірибе жетістіктеріне және оқу-тәрбие жұмысының нақтылы жағдайына сүйене жүргізілген, өзара байланысты іс-әрекеттер мен шаралар жүйесі, ол әрбір мұғалім мен тәрбиешінің біліктілігін, кәсіби шеберлігін жан-жақты арттыруға бағытталған (мұғалімдердің өз бетімен кәсіби білімін көтеруін, өзін-өзі тәрбиелеу, жетілдіру шараларын басқаруды қоса) шаралар, педагогикалық ұжымның ілімдік мүмкіндік шамасын дамыту және арттыру, сайып келгенде, оқу-тәрбие жұмысын жетілдіру, нақты оқушыны білім, тәрбие алу және даму деңгейіне жеткізу
Әдістемелік жұмыс – педагог кадрлардың ғылыми-ілімдік, кәсіптік, әдістемелік, мәдени деңгейін сапалы көтеру бойынша ұжымдық, топтық, жеке жұмыстар жүйесін қосатын кешенді және шығармашылық даму үрдісі. Ол – оқу-тәрбие жұмысын басқару, мұғалімдерді жоғары әдістемелік мәдени рухта тәрбиелеу және өз еңбегінің сапасы мен нәтижесінде талап қоя білудің маңызды бағыты – оқыту тәжірибесінде ұтымды, тиімді әдістерді шығармашылықпен игеру, бұл оқушылардың танымдық, ойлау қызметін жандандырып, терең, берік білімді, іскерлік пен дағдыны қалыптастыратын болады.

Әдістемелік жұмысты ұйымдастыруда төмендегі бағыттар басшылыққа алынды:

-Мектептің әдістемелік қызметін жетілдіру – ол педагогтардың кәсіптік дамуын қолдауға арналған.

-Озық тәжірибені оқып үйрену, тарату.

- педагогикалық қызметкерлерді аттестатциясы

- оқыту және тәрбиелеу нәтижелерін мониторингілеу;

- пән онкүндіктерінің қорытындысы;

педагогикалық технологияларды қолдану әдісі арқылы оқушылардың белсенділігін арттыру;

- дарынды балалар жұмысының қорытындысы.

Онкүндік барысында пән мұғалімдері ашық сабақтар мен қатар, сыныптан тыс шараларды ұйымдастырып өткізді.

Өткізілген ашық сабақтарға пән мұғалімдері қатысып тәжірибе алмасты және де сабақтар бойынша мұғалім мен оқушы әрекетіне, сабақта қолданылған әдіс-тәсілдерге тоқталып олардың тиімділігі, маңызы жөнінде жіберілген қателіктер бойынша өз ой-пікірлерін ортаға салып жан-жақты талдау жасалынды. Жас мамандар мектеп әдіскері мен тәлімгерлер тарапынан әдістемелік көмек көрсетілді.

Онкүндікті өткізудің жоспары бойынша белгіленген іс-шаралар толық ұйымдастырылып, қорытынды кеш барысында мектеп оқушылары өз өнерлерін көрсетті. Онкүндікте белсенділік танытқан оқушылар І,ІІ,ІІІ дәрежелі дипломдармен марапатталды.

Мұғалімдердің соңғы үш жылдағы санаттар бойынша өсу динамикасы

Сәуір, Мамыр айларында 8-сынып оқушыларынан «Айқанат» олимпиадасының облыстық кезеңіне 33 оқушы қатысып, Республикалық кезеңге 3 оқушы жолдама алды.

Аудандық жалпы білім беретін мектеп оқушылары арасында өткен Абай-Шәкірім оқулары бойынша «Абайдың ақын шәкірттерінің шығармалары» бағыты бойынша 7 «б» сынып оқушысы Болат Еламан ІІІ дәрежелі дипломмен жетістікке Аудандық «Абай – Шәкәрім» оқуларына қатысып, «Ұлылар әлемі» бағыты бойынша эссе жазудан Ерланқызы Ғазиза 2-орынға ие болды. Жетекшісі: Рақымбаева Н.С

6а сынып оқушысы Казбек Каусар облыстық 5-6 сыныптар арасындағы зерттеу жобасына қатысып, алғыс хатпен марапатталды. Жетекшісі: Атекеева Б.К.

7Д сынып оқушысы Исмагилова Айлин облыстық жасөспірімдер арасындағы пән олимпиадасынан ІІ-орынды иеленді /жетекшісі Найзагулова М.Ж./

Аудандық «The best English speaker» байқауына 9 сынып оқушысы Советбек Амина қатысып, /жетекшісі Аманжолова Г.Т/ аудандық білім бөлімінің ІІІ-дәрежелі дипломымен марапатталды.

Аудандық «Оқуға құштар мектеп» жобасы аясында «The best reader» атты мектеп оқушылары арасында өткен конкурсқа 8-сынып оқушылары Сыдықов Шыңғыс, Өмірбек Жанель қатысып, аудандық білім бөлімінің ІІІ-дәрежелі дипломымен марапатталды.

Аудандық Конаев атындағы математика пәні олимпиадасынан 7г сынып оқушысы Акимов Акваржан 2-орынды жеңіп алды. Жетекшісі: Ерасилова А.К.

2022-2023 оқу жылында білім сапасын арттыру мақсатында

жүзеге асырылатын мектепішілік жобалар

№	Жоба атауы	жетекшісі
	«Мектеп театры» жобасы	Шорманова Ә.А.
	«Жас зерттеуші» жобасы	Магамадова С.Ш.
	«Мектеп газеті» жобасы	Құрметбек Н.
	«Ертегінің білімдегі құндылықтары»	Прекеева А.Г.
	«Зияткер» жобасы	Касенова Н.С.
	«Ақылды сабақ» жобасы	Ертаева А.А.
	«Жас қаламгер» жобасы	Еламанова Г.Т.

Мамыр айында «Жас зерттеуші» жобасы аясында 17 ғылыми жоба және 7 зерде жұмысы дайындалып, аудандық білім бөліміне қараша айында ғылыми жоба қорғау байқауына қатысуға сұраныс берілді. Сонымен қатар «Зияткер» жобасы негізінде олимпиадаға резерв дайындалып, семинарлар өткізіліп, аудандық, облыстық, Республикалық жасөспірімдер және пән олимпиадасына 35 оқушы жүлделі І,ІІ,ІІІ орындарды иеленді.

«Қазақ ертегілерінің білім берудегі тәрбиелік құндылықтары" жобасы бойынша ағылшын тілінде іс-шаралар өткізілді. Тақырыбы: "Қазақтың салт-дәстүрлері мен әдет-ғұрыптары"Мақсаты: Оқушыларға қазақ халқының әдет-ғұрыптары мен салт-дәстүрлерінің маңыздылығын, ізгі қасиеттерін бойларына сіңіру. Ағылшын тілінде сөздік қорларын , ойлау қабілеттерін дамыту

(5-7 сыныптар) Сонымен қатар "Абайдың қара сөздерінің тәрбиелік мәні" тақырыбындағы іс-шараны жоспарлау және ұйымдастыру мақсатында жоба мүшелерінің отырысы өткізілді .

Мақсаты: Мектеп оқушыларына Абай Құнанбаевтың өмірі, шығармашылығы туралы мәлімет бере отырып, Абайдың қара сөздерінің тәрбиелік мәнін түсіндіру; Абай шығармаларын насихаттау.

«Ақылды сабақ» жобасы аясында «Оқушылардың математика пәніне деген қызығушылықтарын арттыру, танымдық белсенділігін, ой өрісін қалыптастыру,білім кеңістігін кеңейту»тақырыптарында шебер сыныптар тиімді ұйымдастырылды.

«Театр әрекеті» жобасы аясында «Бірлігіміз жарасқан» тақырыбында іс-шара ұйымдастырылып өткізілді. Мақсаты: Жас ұрпаққа Қазақстан халықтарының ынтымақтастықпен,тең құқықпен өмір сүріп жатқандығын үлгі ету;

Оқушылардың өз өнерлерін көпшілік ортаға салу арқылы шығармашылыққа баулу, жаңа қырларын ашу;

Сондай-ақ аталған сыныптарда негізгі пәндердің оқытылу сапасын бақылау педагогикалық кеңестің шешімі негізінде жүргізілді. Бұл сыныптарда ІІ,ІІІ,ІV тоқсанда жұмысты белсендіру қажеттілігі және іс- әрекетті зерттеу және сабақты зерттеу мектеп әкімшілігі мен І деңгейлік курсты оқып бітірген әріптестеріміз Есиркепова У.У жаралылыстану бағытына, Иемберген Ануар қоғамдық гуманитарлық пәндерге жетекшілік етіп тиімді ұйымдастырылып, зерттеуге түскен сыныптардың білім сапасы біршама көтерілді.

« Апрель 2024 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

әдістемелік жұмыстың талдауы

Похожие публикации: